Samsung juft ekranli yangi yig‘ma smartfonini taqdim etdi

Samsung kompaniyasi Xitoyda o‘zining yangi SM-G9098 yig‘ma telefonini rasman taqdim etdi. Bu haqda Mail.ru xabar berdi.

Ikki SIM-kartali smartfon biryo‘la ikkita 3,7 dyuymli 800x480 pikselli Super AMOLED displeyiga ega bo‘ldi. Orqa korpusi kompaniyaning o‘tgan yilgi qator smartfonlari kabi terisimon material bilan qoplangan.

Bundan tashqari, yangi smartfon to‘rt yadroli Qualcomm Snapdragon 800 protsessori, 2 megapikselli old, 13 megapikselli asosiy kamera, 1900 mA/s akkumulyator bilan ta’minlandi.

SM-G9098 o‘lchamlari 117х59,5х15,8 mm, og‘irligi 179 grammga teng.

Nashrning taxmin qilishicha, qurilma faqat Xitoyda sotiladi.