Kiyev saylovlarni hech kim barbod qila olmasligini ta’kidladi

Ukrainadagi muddatidan avvalgi prezidentlik saylovlariga sanoqli kunlar qolganida Kiyev mamlakat sharqidagi ayirmachilarga murojaat qilib, ularni saylovni buzish qo‘llaridan kelmasligi haqida ogohlantirdi. Bu haqda Euronews xabar berdi.

Ukraina bosh vaziri Arseniy Yatsenyuk o‘z bayonotida Ukrainaning qonuniy saylangan prezidenti bo‘lishi kerakligini ta’kidladi. “Bu birinchidan, — dedi u. — Ikkinchida, biz barchani saylov jarayonida teng ishtirok etish imkoniyati bilan ta’minlaymiz. Uchinchidan esa, Donetsk va Luganskdagi terrorchilarning saylovni barbod qilishga qaratilgan har qanday harakatlari amalga oshmasligi tayin”.

Ukraina Markaziy saylov qo‘mitasi ma’lumotlariga ko‘ra, xavfsizlik bilan bog‘liq muammolar tufayli Lugansk viloyatida uchastkalarning 16 foizi, Donetskda esa 26 foizi saylovchilar ro‘yxatiga ega bo‘lgan. Ayirmachilarni qo‘llab-quvvatlovchilar o‘z tanlovlarini amalga oshirib bo‘lganini ta’kidlagan.

Ukraina ichki ishlar vaziri Arsen Avakov xavfsizlik kuchlari zo‘ravonlik avj olishi mumkin bo‘lgan “qizil” hududlarni aniqlangani, ovoz berish davomida bu joylarga maxsus otryadlar joylashtirilishini ma’lum qildi.