Toshkent shahrining ba’zi qismlarida yangi turdagi axlatdonlarlar o‘rnatildi. Ular konteyner ko‘rinishida bo‘lib, uch turdagi chiqindilar uchun maxsus bo‘limlardan iborat.

Toshkent shahar obodonlashtirish boshqarmasining Anhor.uz’ga ma’lum qilishicha, asta-sekinlik bilan shahardagi barcha axlatdonlar ana shunday konteynerlarga almashtiriladi. “Ular kattaroq, bundan tashqari, turli chiqindilarni alohida-alohida qilib ajratishga imkon beradi”, — deyishdi boshqarmadagilar. Ularning ta’kidlashicha, zamonaviy konteynerlar atrof-muhitga ham, poytaxt ko‘rinishiga ham ijobiy ta’sir o‘tkazadi.

Hozirgacha 50 ga yaqin konteyner sotib olingan, ular sinov tariqasida shaharning ba’zi hududlariga o‘rnatilgan.