O‘zbekistonda avtomobil sohasi quvvati rejali tarzda oshirib borilmoqda. Bu haqda “O‘zavtosanoat” ma’lumotiga tayanib, “Jahon” AA xabar berdi.
Joriy yilning birinchi choragida “Xorazm avtomobil ishlab chiqarish birlashmasi” MChJ 3200 dan oshiq Damas va Chevrolet Orlando mashinalarini ishlab chiqardi. To‘rtinchi chorakda korxona Damas avtomobillari ishlab chiqarishning to‘liq sikliga o‘tkaziladi.
Loyiha doirasida Damas ishlab chiqarishni mahalliylashtirish bo‘yicha 2014-yilda beshta investitsion loyihani amalga oshirish ko‘zda tutilgan. Bular umumiy qiymati 9,2 million dollarga teng o‘tirg‘ichlar, plastik qismlar, bamperlar, asbob-uskuna panellari va qoliplangan detallar ishlab chiqarishdir.
Izoh (0)