Amerikaning Apple va Google kompaniyalari bir-biriga qarshi berilgan da’volarni qaytarib olishga kelishib olishdi. Yaqinda e’lon qilingan birgalikdagi bayonotda kompaniyalar bu haqda aytib o‘tishdi. Kelishuv natijasida qator sud mojarolari barham topadi, deya xabar berdi Euronews.
Bundan to‘rt yil avval Motorola Apple’ga qarshi da’vo qo‘zg‘agan, bunga javoban Apple Motorola smartfonlari sotilishining taqiqlanishini talab qilgan edi. Ikki yildan so‘ng Motorola Mobility kompaniyasini Google sotib oldi, bu yil esa uni Lenovo xarid qildi, biroq patentlarining katta qismi Google’da qoldi.