18- va 21-may kunlari Toshkent metropolitenida yo‘lovchilar oqimi o‘rganiladi. Bu haqda poytaxt hokimiyati xabariga tayanib, Gazeta.uz xabar berdi.
Tekshiruv davomida metroga tushib ketayotgan barcha yo‘lovchilarga maxsus yozuvli kartochkalar beriladi. Metrodan chiqib ketish chog‘ida yo‘lovchilar ularni qaytarib topshiradi.
23- va 27-aprel kunlari Toshkentda barcha turdagi shahar jamoat transportlarida (metro, avtobus, tramvay va yo‘nalishli taksi) yo‘lovchilar oqimi o‘rganib chiqildi.
Jamoat transportida yo‘lovchilar oqimini bunday o‘rganish har bir yo‘nalishda qancha transport vositalariga zarurat mavjudligini aniqlash va shu asosda mavjud imkoniyatlarni to‘g‘ri taqsimlab, aholiga sifatli transport xizmati ko‘rsatishga xizmat qiladi. Shu sababli tekshiruv tashkilotchilari yo‘lovchilardan tadbirda faol ishtirok etishlarini so‘rashadi.
Izoh (0)