15-may – Xalqaro oila kuni munosabati bilan Toshkentdagi Shayxontohur tumani FHDYo bo‘limining yangi binosi foydalanishga topshirildi, deb yozadi O‘zA.
FHDYo organlarining 2013—2014-yillar uchun moddiy-texnik bazasini mustahkamlashga doir dasturga muvofiq ishga tushirilayotgan zamonaviy binolar mamlakatda oilani har tomonlama qo‘llab-quvvatlash, ayniqsa, yosh oilalar uchun qulay turmush sharoiti yaratish borasida olib borilayotgan keng ko‘lamli ishlarning amaliy ifodasidir.
– Milliy me’morlik hamda zamonaviy arxitektura an’analari asosida barpo etilgan mazkur bino shinam va har tomonlama qulayligi bilan alohida ahamiyatga ega, – deydi Shayxontohur tuman FHDYo bo‘limi mudiri Ozoda Abduazizova. – Zamonaviy jihozlangan marosimlar zali, ona va bola, hujjatlarni saqlash hamda fuqarolarga xizmat ko‘rsatish xonalari bu yerga tashrif buyuradigan aholini xushnud etishi shubhasiz.
FHDYo bo‘limi yangi binosini ishga tushirish munosabati bilan o‘tkazilgan tadbirda uning qoshida tashkil etilgan “Yosh oila quruvchilar maktabi”ning faol a’zolari taqdirlandi. Shu bilan birga, katta hayot ostonasida turgan yoshlarning nikohlari qayd etildi.
Izoh (0)