“Paxtakor”ning navbatdagi uy o‘yinida omadli muxlislardan biri avtomobil egasiga aylanadi. 20-may, seshanba kuni oliy ligada 9-tur uchrashuvlari bo‘lib o‘tadi. “Paxtakor” unda Namanganning “Navbahor” jamoasi bilan Toshkentda maydonga tushadi. “Paxtakor” futbol klubi o‘yinga tashrif buyuradigan muxlislar uchun yana sovg‘alar hozirlagan, deb xabar beradi futbol klubi sayti.
“Paxtakor”—“Navbahor” bahsiga tashrif buyurgan tomoshabin Sog‘lom bola yiliga bag‘ishlangan “Omadli muxlis” ijtimoiy aksiyasida ishtirok etish va asosiy esdalik sovg‘a sifatida avtomobil yutib olish imkoniyatiga ega bo‘ladi. Shuningdek, futbol to‘plari, sport kiyimlari, jamoa liboslari, klub tarixi haqidagi kitoblar va Fitness House sog‘lomlashtirish majmuasiga abonementlar ham o‘z egalarini topadi. Chiptalarni xarid qilgan inson “Omadli muxlis” ijtimoiy aksiyasi ishtirokchisiga aylanadi. Chiptalarni “Paxtakor” markaziy stadioni kassalaridan xarid qilish mumkin. Chipta narxi — 5000 so‘m.
Izoh (0)