Buyuk Britaniyada eng ommabop bo‘lgan News of the World gazetasi sobiq muharriri Klayv Gudmen sudda shahzodalar Uilyam va Garri, shuningdek Uilyamning xotini (o‘sha paytda ular hali turmush qurmagan) Keyt Middlton telefon suhbatlarini yashirincha tinglaganini tan oldi. Bu haqda “ITAR-TASS” xabar berdi.
Sud nashrning sobiq xodimlari ustidan bo‘lib o‘tgan. Ular taniqli kishilarning mobil telefonlaridagi ovozli pochta xabarlarini tinglaganlikda va maxfiy ma’lumotlarni olish uchun davlat xizmatchilariga pora berganlikda ayblanmoqda.
Gudmenning aytishicha, eng ko‘p — 155 marta Uilyamning Keytga qo‘ng‘irog‘i tinglangan. Shahzoda Uilyamning telefonidan 35 marta, Garrinikidan esa 9 marta xabarlar kuzatilgan. U bu ish bilan 2005—2006-yillarda shug‘ullanganini aytgan.
Izoh (0)