13-may, seshanba kuni Ukraina armiyasi qurollangan rossiyaparast ayirmachilarni bosishga qaratilgan operatsiyalar boshidan buyon eng katta yo‘qotishlarni boshdan kechirdi. Mudofaa vazirligining xabar berishicha, sharqda pistirmaga tushgan yetti nafar desantchilar halok bo‘lgan. Yana yetti harbiy yaralangan.
Shu tariqa, “aksilterror operatsiya” boshidan beri qurbon bo‘lgan ukrain harbiylari soni kamida 16 taga yetgan, deya xabar berdi Reuters.
To‘qnashuv Donetsk viloyatida jangarilar tomonidan egallangan Kramatorskdan 20 kilometr masofadagi Slavyansk tumanining Oktyabr qishlog‘ida sodir bo‘lgan.
Ukraina Qurolli kuchlari harbiy qismlaridan birining kolonnasi pistirmadan ayyorona otib tashlandi, deyiladi mudofaa vazirligi xabarida.
Jangarilar tomonidan bo‘lgan yo‘qotishlar haqida aniq ma’lumot kelib tushmagan.
Izoh (0)