AQSh Milliy xavfsizlik agentligi (MXA) Amerikada ishlab chiqarilgan marshrutizator, server va boshqa tarmoq qurilmalariga ular xorij mijozlariga jo‘natilishidan oldin yashirincha “qo‘ng‘izchalar” (“juchok”) o‘rnatadi. Bu haqda The Guardian gazetasi ma’lumotiga tayanib, “ITAR-TASS” xabar berdi.
Natijada MXA internet tarmog‘idagi butun segmentlar ustidan nazorat olib boradi.
Maxfiy operatsiyalar shundan iboratki, MXA AQShdan import qilinish uchun tayyorlangan qurilmalar partiyalarini qo‘lga kiritib, ularni yashirincha kuzatuv vositalari bilan jihozlaydi va qaytadan o‘rab, zavod muhrini qo‘yadi. Shundan keyin mahsulot mijozlarga jo‘natiladi.
Ushbu ma’lumotlar The Guardian nashrining sobiq jurnalisti, Edvard Snouden hujjatlari bo‘yicha birinchilardan bo‘lib maqola yozgan Glenn Grinvaldning yangi kitobida keltirilgan.
Izoh (0)