Janubiy Koreyaning Samsung Electronics kompaniyasi raisi Li Gon Xi (Lee Kun-hee) nafas olish tizimidagi muammo sabab shoshilinch ravishda shifoxonaga yotqizildi. Yonhap axborot agentligining 11-may, yakshanba kuni bergan xabariga ko‘ra, kompaniya rahbari yurak-o‘pka reanimatsiyasiga joylashtirilgan.
Samsung kompaniyasi vakillarining so‘zlariga ko‘ra, biznes-imperiyaning 72 yoshli rahbari hozirgi vaqtda korporativ tibbiy markazda barqaror holatda qolmoqda.
Li Gon Xi 1990 yillardan beri – o‘pkasida jarrohlik amaliyoti o‘tkazilganidan so‘ng nafas olish tizimidagi asoratlardan aziyat chekib keladi.
Kuzatuvchilarning so‘zlariga ko‘ra, magnatning salomatligi bilan bog‘liq muammolar Samsung sanoat guruhi boshqaruvi uning o‘g‘li – Li Chju Yan (Lee Jae-yong)ga o‘tishini tezlashtiradi.
Samsung Group’ga 1938 yili Li Gon Xining otasi – Li Byon Chxol (Lee Byung-chull) tomonidan asos solingan. Uning o‘limidan so‘ng korporatsiya meros sifatida uning farzandlariga o‘tgan, Li Gon Xi (uchinchi o‘g‘il) esa direktorlar kengashi raisiga aylangan. Samsung Electronics – sanoat guruhining asosiy mulki bo‘lib, u elektronika, kompyuter va maishiy texnika ishlab chiqarish bo‘yicha jahondagi yetakchilardan biri hisoblanadi.
Izoh (0)