Qoraqalpog‘istonda “Kitobxonlar tanlovi”ning mintaqaviy bosqichi o‘tkazildi

Berdaq nomidagi qoraqalpoq davlat universitetida “Kitobxonlar tanlovi”ning mintaqaviy bosqichi bo‘lib o‘tdi. Bu haqda O‘zA xabar berdi.

Unda Qoraqalpog‘iston Respublikasi va Xorazm viloyatidan to‘qqiz oliy o‘quv yurtining 70 ga yaqin talabasi ishtirok etdi.

Beshta shart bo‘yicha g‘oliblar aniqlandi. “Kitob – tafakkur xazinasi” nominatsiyasi bo‘yicha Nukus davlat pedagogika instituti talabasi Go‘zal Ibrohimova, “Eng faol badiiy asarlar targ‘ibotchisi” yo‘nalishi bo‘yicha qoraqalpoq davlat universiteti talabasi Muqaddas Allaberganova g‘olib deb topildi. “Eng yosh ijodkor talaba” yo‘nalishida qoraqalpoq davlat universiteti talabasi Gulzoda O‘teniyozova birinchi o‘ringa munosib ko‘rilgan bo‘lsa, “Asarlardan yaralgan sahna asarlari” nominatsiyasi bo‘yicha O‘zbekiston davlat madaniyat va san’at instituti Nukus filiali jamoasi, “Asarlardan yaralgan navolar” yo‘nalishi bo‘yicha qoraqalpoq davlat universiteti talabalari Salamat Ayapov va Yerisboy Asqarov g‘oliblikni qo‘lga kiritdi.

G‘oliblar tanlovning mamlakat bosqichida ishtirok etadi.