Joriy yil boshida Navoiy viloyatida Park Right S04 videonazorat tizimi joriy qilindi. U qachonlardir yo‘l harakati yoki tashish qoidalarini buzib, belgilangan muddatda jarima to‘lamagan hamda protokol tuzilgach olib qo‘yilgan hujjatlarsiz yurgan haydovchilarni aniqlashga yordam beradi.
Navoiy viloyati yo‘l harakati xavfsizligi boshqarmasi xodimining “Pravda Vostoka” nashriga ma’lum qilishicha, qurilma yo‘l-patrul xizmati mashinasiga o‘rnatiladi. Davlat raqami qarzdorlar ro‘yxatida bo‘lgan avtomashina paydo bo‘lishi bilan signal beriladi. Qurilma ekranida haydovchi haqida ma’lumotlar, qoidabuzarliklar ro‘yxati aks etadi. Mashina eng yaqindagi postda to‘xtatiladi.
Qurilma bazasi har kuni yangilanib turadi. Ma’lum bo‘lishicha, uskuna yordamida bir oy ichida o‘n ming nafar qoidabuzarning yetti mingidan jarimalar undirilgan.
Izoh (0)