Navoiy shahridagi madaniyat va istirohat bog‘i rekonstruksiya qilinadi, deya xabar berdi “Pravda Vostoka” gazetasi.
Qayta qurish ishlariga “Navoiyazot” OAJ, “Qizilqumsement” qurilish sexlari, NKMK korxonalari brigadalari va boshqa qator tashkilotlar mutaxassislari jalb etilgan.
Shahar bog‘ini yangilash loyihasini ishlab chiqqan “Navoiyshaharsozlikloyiha” MChJ vakillarining aytishicha, 17 gektar hududda faol dam olish uchun maydonlar, shu jumladan 450 tomoshabinga mo‘ljallangan usti ochiq zal quriladi.
Bundan tashqari, yangi attraksionlar o‘rnatiladi. “Charxpalak” attraksionining yangi mexanizmi Navoiy mashinasozlik zavodida tayyorlanadi.
Shuningdek, yangi bog‘da shiyponchalar quriladi, markaziy kirish qismida esa rang-barang musiqiy fontan barpo etiladi.
Izoh (0)