Yigirma yildan buyon Rossiya bilan hamkorlik aloqalarini o‘rnatishga harakat qilayotgan NATO endilikda Moskvani raqib deb bilishni boshlamoqchi. Bu haqda alyans bosh kotibi o‘rinbosari, AQShning Rossiyadagi sobiq elchisi Aleksandr Vershbou jurnalistlarga bergan intervyusida ma’lum qildi.
Uning aytishicha, Qrimning Rossiya tomonidan “zabt etilishi” va uning Ukraina sharqidagi tartibsizliklar ustidan “ochiqdan-ochiq manipulyatsiyasi” NATO va Rossiya orasidagi munosabatlarni tubdan o‘zgartirib yubordi.
Vershbou Rossiyani o‘z chegarasidagi NATOga a’zo mamlakatlarga har qanday tajovuzdan tutib qolishga qaratilgan yangi mudofaa choralarini ko‘rayotganini ta’kidladi. Bunday chora-tadbirlar doimiy yoki rotatsiya asosida Sharqiy Yevropaga yirik miqdordagi ittifoqdosh harbiy kuchlarni yoyishni ham o‘z ichiga olishi mumkin, deya aniqlik kiritdi u.
1-aprel kuni NATO Rossiya bilan hamkorlikni to‘xtatish haqida qaror qabul qilgan, alyans mamlakatlari TIV rahbarlari Qrimdagi referendumni qonuniy deb bilishdan bosh tortgan edi.
Izoh (0)