Xalqaro valyuta fondi boshqaruvchilari kengashi Ukrainaga 17,01 milliard dollar hajmidagi stand-by ikki yillik dasturini tasdiqladi. Bu haqda “RIA Novosti” xabar berdi.
Birinchi transh 3,19 milliard dollardan iborat bo‘ladi va darhol to‘lanadi.
Ikkinchi va uchinchi transhlar hajmi har ikki oyda bir marta o‘tkaziladigan tekshiruvlar natijasida aniq bo‘ladi, dasturning qolgan vaqtida uning bajarilishi bo‘yicha har chorakda tuziladigan standart hisobot amal qiladi.
XVF xabarida aytilishicha, Fond tomonidan qo‘llab-quvvatlanayotgan hukumat iqtisodiy dasturi makroiqtisodiy barqarorlikni qayta tiklash, iqtisodiy boshqaruvni mustahkamlashga qaratilgan.
XVF bilan kelishuv qator shartlarga asoslangan. Bular grivna kursi o‘zgaruvchanligini oshirish, uy-joy-kommunal xo‘jaligi tariflarini ko‘paytirish, pensiya islohotini amalga oshirish, davlat xarajatlarini qisqartirish va boshqalardir.
Izoh (0)