Apple kompaniyasining iWatch nomi bilan mashhur aqlli soatini ishlab chiqarish boshlandi. Bu haqda Tayvanning China Times nashriga tayanib, Look At Me xabar berdi.
Apple’ning Osiyodagi yetkazib beruvchilari nashrga uzoq kutilgan gadjetning ishlab chiqarish sikli boshlanganini ma’lum qilgan. Ularning ta’kidlashicha, iWatch soati protsessor, flesh-xotira va DRAM’dan iborat SIP moduliga ega bo‘ladi. Bunday modullar odatda MP3-pleyer va smartfonlarda qo‘llaniladi. Texnik xususiyatlari ma’lum qilinmayapti.
iWatch 2014-yilning ikkinchi yarmida chiqa boshlaydi. Joriy yilning ikkinchi choragida 3 millionta, uchinchisida 14—15 millionta qurilma ishlab chiqarish ko‘zda tutilgan.
Hozircha ma’lum bo‘lgani shuki, qurilmaning ekrani kvadrat shaklida, dizayni esa iPod nano’ga o‘xshash bo‘ladi. iWatch displeyi yangicha turda bo‘lib, atrof qorong‘ilasha borgani sari uning rangi ham shunga moslasha boradi.
Izoh (0)