Sog‘liqni saqlash vazirligining buyrug‘i bilan Giyohvandlik vositalari, psixotrop moddalar va prekursorlarni saqlash, sotish, tarqatish, hisobga olish shartlari haqidagi Nizomga o‘zgartish va qo‘shimchalar kiritildi. Bu haqda norma.uz xabar berdi.
Ushbu Nizom Sog‘liqni saqlash vazirligi tomonidan beriladigan litsenziya asosida giyohvandlik vositalari, psixotrop moddalar va prekursorlar aylanmasi bilan shug‘ullanuvchi yuridik shaxslarga tegishlidir.
Davolash-profilaktika muassasalari rahbarlari har chorakda dorixonalarga giyohvandlik vositalari uchun retsept yozib berish huquqiga ega shifokorlar ro‘yxatini taqdim etadi. Unga shifokorlar imzosi va muhri namunalari ilova qilinadi.
Giyohvandlik vositalari uchun retsept maxsus pushtirang qog‘ozda faqat lotin tilida yoziladi. Retsept avvalgi o‘n kun o‘rniga, endi yetti kun ichida amal qiladi.
Qarorda boshqa qator o‘zgartish va qo‘shimchalar tilga olingan.
Izoh (0)