28-aprel kuni O‘zbekistonda sinov rejimida UzReport TV telekanali efirga chiqarildi. Kanal raqamli TV-tyunerga ega bo‘lgan televizorlarda namoyish etiladi. Bu haqda Infocom.uz xabar berdi.
UzReport TV kanali faol odamlarga mo‘ljallangan zamonaviy yangiliklar va biznes-kanali sifatida talqin etiladi. Har soatda yangilanuvchi O‘zbekiston hamda xorijdagi siyosiy, iqtisodiy, moliyaviy, ijtimoiy va biznes xarakterdagi yangiliklar uch tilda efirga uzatiladi. Dasturlar qatoridan yangiliklardan tashqari, tahliliy mualliflik dasturlari, iqtisodiyotning turli tarmoqlari, jumladan, moliya bozorlari bo‘yicha sharhlar va ekspertlar izohlari mutaxassislar bilan interaktiv rejimdagi suhbatlar va intervyular, shuningdek, ijtimoiy-ma’rifiy hamda ilmiy-tadqiqot hujjatli filmlari o‘rin oladi.
UzReport TV nodavlat kanal bo‘lib, UzReport axborot agentligining telekanali hisoblanadi.
Yangi telekanal UzReport axborot agentligi tomonidan tayyorlangan ko‘rsatuvlarni tarqatish tarmoqlari xizmatini ko‘rsatish bo‘yicha O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi va O‘zbekiston matbuot va axborot agentligining litsenziyasi asosida efirga chiqariladi.
Izoh (0)