Bolgariyaning Sofiya shahrida yoshlar o‘rtasida o‘tkazilayotgan jahon chempionatining final bosqichiga yana bir o‘zbek bokschisi chiqdi. Bugun, 24-aprel kuni o‘tkaziladigan final jangida Bektemir Meliqo‘ziyev (-69 kg) – Luka Prtenjaka (Xorvatiya)ga qarshi ringga ko‘tariladi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Avvalroq, ushbu bosqichda o‘zbekistonlik Sulaymon Latipov qozog‘istonlik Shalkar Ayxinbay bilan bellashishi ma’lum qilingan edi.
Kecha bo‘lib o‘tgan yarim final janglarida ringga ko‘tarilgan yana ikki nafar o‘zbekistonlik sportchi Iqboljon Xoldorov (-60 kg) hamda Kozimbek Mardonov (-75 kg) raqiblariga imkoniyatni boy berib, jahon chempionatining bronza medallari sovrindori bo‘ldi.
Izoh (0)