Futbol bo‘yicha Osiyo chempionlar ligasining guruh bahslari yakuniga yetib, pley-off bosqichiga chiqqan 16 ta jamoaning nomi aniq bo‘ldi. “B” guruhida ikkinchi o‘rinni egallagan Toshkentning “Bunyodkor” klubi qatorasiga yettinchi marta guruh bahslaridan muvaffaqiyatli o‘tib, o‘zlariga tegishli bo‘lgan avvalgi rekordni yangiladi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Toshkentlik futbolchilar 1/8 finalda “D” guruhida 9 ochko bilan 1-o‘rinni band etgan Saudiya Arabistonning “Al-Hilol” jamoasi bilan bahs yuritadi. Dastlabki uchrashuv 7-may kuni Toshkentda bo‘lib o‘tsa, javob o‘yini 14-may kuni Saudiyada o‘tkaziladi.
Quyida 6—7 hamda 13—14-may kunlari o‘tkaziladigan 1/8 final bosqichi juftliklari berilgan:
- “Al-Ittihod” (Saudiya Arabistoni) – “Ash-Shabab” (Saudiya Arabistoni)
- “Al-Jazira” (BAA) – “Al-Ayn” (BAA)
- “As-Sadd” (Qatar) – “Fulad” (Eron)
- “Bunyodkor” (O‘zbekiston) – “Al-Hilol” (Saudiya Arabistoni)
- “Chjonbuk Motors” (Janubiy Koreya) – “Poxang Stilers” (Janubiy Koreya)
- “Serezo Osaka” (Yaponiya) – “Guanjou Evergrand” (Xitoy)
- “Kavasaki Frontale” (Yaponiya) – “Seul” (Janubiy Koreya)
- “Sanfrechche Xirosima” (Yaponiya) – “Vestern Sidney Vonderers” (Avstraliya)
Izoh (0)