“Qashshoqlik” Italiya mafiyasining boshqa ish bilan shug’ullanishiga turtki bo‘lmoqda

Britaniyaning The Independent gazetasi Palermo shahri huquqni muhofaza qilish organlari ma’lumotlariga tayanib yozishicha, Italiya mafiyasidan omad yuz o‘girgan. Maqolada keltirilishicha, “Koza nostra” yetakchisi Jovanni Di Jakomo reket faoliyatining tanazzulidan shikoyat qilib, qo‘l ostidagi odamlar oyiga bor-yo‘g’i 5000—7000 yevro miqdorida “daromad” olayotgani haqida gapirgani yashirin kamera yordamida suratga olingan. Bu haqda “RIA Novosti” xabar berdi.

Uzoq muddat davom etayotgan iqtisodiy inqiroz oddiy italiyaliklarning moddiy sharoitiga salbiy ta’sir ko‘rsatmoqda. Ko‘cha o‘g‘rilari bilan yuzma-yuz kelib o‘z pullaridan ayrilib qolishni istamay politsiyaga murojaat qilayotgan kishilar soni kundan-kunga ortib bormoqda. Jovanni Di Jakomoning aytishicha, bezorilar endilikda doimiy daromad keltirib turadigan ishlarga murojaat qilish haqida bosh qotirmoqda. Ana shunday tahlikali vaziyatda uyushgan jinoyatchilikning  avj olishi bashorat qilingan bo‘lsa-da, amalda mafiya boylik orttirishning eski usullaridan biri — reket jiddiy “zarar” ko‘rmoqda.