Nafisa Mo‘minova Xanti-Mansiyskdagi FIDE Gran-Prisida 10-o‘rinni egalladi

Rossiyaning Xanti-Mansiysk shahrida xotin-qizlar o‘rtasida o‘tkazilgan FIDE Gran-Prisining to‘rtinchi bosqichi musobaqalari nihoyasiga yetdi. Bu haqda O‘zbekiston Milliy Olimpiya qo‘mitasi matbuot xizmati xabar berdi.

Mazkur nufuzli musobaqada O‘zbekiston sharafini himoya qilgan xalqaro grossmeyster Nafisa Mo‘minova 11 imkoniyatdan 4 ochko jamg‘ardi va dunyoning 12 nafar yetakchi shaxmatchisi orasida 10-o‘rinni egalladi.

Xitoylik Xou Ifan 11 imkoniyatdan 8,5 ochko jamg‘arib FIDE Gran-Prisining to‘rtinchi bosqichida birinchi o‘rinni egalladi.

Quyida barcha sportchilarning jamg‘argan ochkolari va egallagan o‘rinlari berilgan:

1. Xou Ifan (Xitoy) – 8,5 ochko
2. Olga Girya (Rossiya) – 7 ochko
3. Aleksandra Kostenyuk (Rossiya) – 6,5 ochko
4. Katerina Lagno (Ukraina) – 6 ochko
5. Anna Muzichuk (Sloveniya) – 6 ochko
6. Nana Dzagnidze (Gruziya) – 5,5 ochko
7. Antoaneta Stefanova (Bolgariya) – 5,5 ochko
8. Chjao Syue (Xitoy) – 5 ochko
9. Anna Ushenina (Ukraina) – 5 ochko
10. Nafisa Mo‘minova (O‘zbekiston) – 4 ochko
11. Tatyana Kosinseva (Rossiya) – 3,5 ochko
12. Batchimeg Tuvshintugs (Mo‘g‘iliston) – 3,5 ochko