Italiya hukumati eBay auksionida qimmatbaho mashinalar savdosini o‘tkazdi va 371 ming yevro ishlab oldi. Bu haqda Agence France-Presse xabar berdi.
Bu bilan hukumat vazirliklarning jamoatchilik noroziligiga sabab bo‘lgan xarajatlarini qisqartirishga urinayotganini ko‘rsatdi. Ma’lum bo‘lishicha, mudofaa va ichki ishlar vazirliklari xodimlariga xizmat qilgan 52 ta mashina sotib bo‘lingan. Ular orasida BMW va Audi markasidagi avtomobillar bo‘lgan. Auksionda yana sakkizta zirhli Maserati sotish rejalashtirilgan. Bundan avtomobilning har biri 100 ming dollargacha turishi mumkin.
Umumiy soni 151 ta bo‘lgan barcha transport vositalari 16-maygacha sotilishi ko‘zda tutilmoqda. Hukumatning aniqlik kiritishicha, ular ma’muriy organlarga kerak bo‘lmagan avtomobillardir.
Savdoni tashkillashtirish tashabbusi fevral oxirida bosh vazir lavozimini egallagan Matteo Rensi tomonidan ilgari surilgan va jamoatchilik tomonidan qo‘llab-quvvatlangan.
Izoh (0)