Samsung Electronics kompaniyasi kelajakdagi yangi avlod elektron qurilmalari uchun zarur bo‘ladigan kamyob grafen materialini hosil qilishning inqilobiy usulini o‘ylab topganini ma’lum qildi.
HabraHabr xabar berishicha, grafen zamonaviy elektronikada qo‘llaniladigan kremniy moddasini yarim o‘tkazuvchanlik xususiyatlari bilan ortda qoldiradi. U po‘latdan mustahkam, yuqori darajada issiqlik va elektr o‘tkazuvchanlik xususiyatiga ega va egiluvchan hamdir. Bu yaqin kelajakda undan egiluvchan displey va taqiladigan qurilmalar ishlab chiqarishda foydalanish imkonini beradi.
Samsung yetakchi texnologiyalar instituti (SAIT) katta yuzaga ega monokristalli grafenli plastinalar ishlab chiqarish usulini ishlab chiqdi. Dunyoning yetakchi muhandislari bu borada avvallari turli muammoga duch kelgan va muvaffaqiyatga erisha olmagan edi.
Yangi usul grafen plastinalarini materialning elektrik va mexanik xususiyatlarini saqlab qolgan holda yagona kristallga sintezlash imkonini beradi. Bunday samarali texnologiya yordamida yagona yarim o‘tkazuvchi taglikdan ko‘p marta monokrisstall grafen olish mumkin.
Izoh (0)