LG Electronics kompaniyasi LG Kompressor texnologiyali changyutgichlarni taqdim etdi. LG’ning deyarli barcha yangi changyutgichlariga qo‘yilgan LG Kompressor texnologiyasining ishlash prinsipi juda oson. Bu texnologiya g‘oyasiga ko‘ra, maxsus konteynerga tushgan chang zichlanadi, shuning uchun ham konteyner bo‘shatilayotganda chang xona bo‘ylab tarqalmaydi. Bu haqda kompaniya matbuot xizmati xabar berdi.
Changyutgich ishga tushirilganda chang maxsus parrak aylanayotgan konteynerga yig‘iladi. Parrak tabiiy ravishda changni konteynerning tik (vertikal) devoriga ikki tomonlama zichlab beradi. Natijada jipslashgan ikkita briket hosil bo‘ladi. Bundan tashqari, supurindilarning zichlashishi tufayli, yangi LG Kompressor changyutgichlarining konteynerlari odatiylaridan to‘rt barobar sig‘imi kattaroq.
LG Kompressor texnologiyasi “Turbotsiklon” tizimi bilan ishlaganligi tufayli a’lo sifatga erishilmoqda. Bu tizim tozalanayotgan changni konteynerda qoladigan supurindilarga va filtrlar orqali tashqariga chiqariladigan havoga ajratadi. Aynan “Turbotsiklon” tizimi va markazdan qochirma kuchlar tufayli yirik chang zarrachalari maydalaridan ajraladi, bu esa changyutgichga doimiy yuqori tozalash quvvatini, shuningdek, havoning filtrlash tizimiga tushguniga qadar oldindan tozalanishini ta’minlab beradi.
Tizimning samarali ishlashida, shuningdek, HEPA 13 gipoallergen filtr ham alohida o‘rin tutadi. Bu filtr changni tashqariga o‘tishidan to‘rt bosqichli himoyalaydi hamda allergenlar, viruslar va boshqa xavfli zarrachalarning ushlanib qolinishini ta’minlaydi. Buning ustiga, yangi ishlab chiqilgan jips tuzilmali ko‘p qatlamli ko‘mirli filtr yoqimsiz hidlarning tarqalishiga yo‘l qo‘ymaydi.
LG’ning yangi changyutgichlarida hattoki dvigatelga ham filtrlar o‘rnatilgan. Ular dvigatelni ham changdan tozalab, bu bilan jihozning uzoq muddat xizmatga yaroqliligini ta’minlab beradi. O‘zbekiston bozoriga taqdim etilgan, xonalarni qulay va sifatli yig‘ishtirishga mo‘ljallangan barcha VC83202UHA, VK8810HUMR, VK89304HUM modellari yuqorida bayon etilgan sifatlarga ega.
Ta’kidlash joiz, LG Kompressor chanyutgichlari Rossiyaning Bolalar allergologlari va immunologlari assotsiatsiyasi tomonidan ijobiy baholangan.
Reklama asosida. Matn: LG
Shuningdek, LG haqidagi yangiliklarni kompaniyaning Facebook, “Odnoklassniki” ijtimoiy tarmoqlari hamda YouTube, Mover va MyTube saytlaridagi sahifalaridan bilishingiz mumkin.
Izoh (0)