Uch nafar o‘zbek tennischisi Qarshidagi turnirning chorak finaliga chiqdi

Qarshi shahrida tennis bo‘yicha o‘tkazilayotgan “Fyuchers” turkumiga kiruvchi Karshi F1 xalqaro turnirida chorak finalchilar nomi ma’lum bo‘ldi. Bu haqda O‘zbekiston Milliy Olimpiya qo‘mitasi matbuot xizmati xabar berdi.

Ushbu bosqichga yetib kelgan sakkiz nafar tennischidan uch nafari o‘zbekistonlikdir. Chorak final yo‘llanmasi uchun kechgan bahsda hamyurtlarimizdan Shonig‘mat Shofayziyev irlandiyalik Sem Barrini 2:6, 6:3, 6:4 hisobida, Sarvar Ikromov esa Mixail Yesipovni 6:1, 6:1 hisobida mag‘lubiyatga uchratdi. Yana bir o‘zbek sportchisi Temur Ismoilov rossiyalik Mixail Vaks ustidan 6:4, 6:0 hisobida zafar quchdi.

Quyida chorak final juftliklari berilgan:

Roman Safiullin (Rossiya) — Artur Dubinski (Belorus)Shonig‘mat Shofayziyev (O‘zbekiston) — Sarvar Ikromov (O‘zbekiston)Temur Ismoilov (O‘zbekiston) — Denis Matsuketivich (Rossiya)Markos Kalovelonis (Gretsiya) — Piotir Gadomski (Polsha)