Surxondaryoda 20 xil mahsulot ishlab chiqaruvchi korxona ish boshladi

Surxondaryo viloyatidagi “Sho‘rchitekstil” mas’uliyati cheklangan jamiyatida tikuvchilik korxonasi ish boshladi, deb yozadi O‘zA.

Sho‘rchi tumanida tashkil etilgan yangi korxonada 10 ga yaqin xotin-qiz ish bilan ta’minlanib, mahalliy xomashyodan 20 ga yaqin turdagi ko‘rpa, yostiq jildlari, choyshab, maxsus ish kiyimlari va xalq ehtiyoji uchun zarur boshqa mahsulotlar ishlab chiqarilmoqda.

— Zamonaviy tarzda jihozlangan korxonamiz mahsulotlari yuqori sifati va arzonligi bilan xaridorlarga manzur bo‘lmoqda, — deydi korxona rahbYari Barchinoy Sodiqova. — Ishlab chiqarilgan dastlabki maxsus ish kiyimlariga tuman tibbiyot xodimlari xaridor bo‘ldi. Hozir boshqa tashkilot, korxona va muassasalardan ham buyurtmalar qabul qilmoqdamiz. 2014-yilda besh nafar kasb-hunar kolleji bitiruvchisini ish bilan ta’minlab, mahsulotlar turini yanada ko‘paytirishni rejalashtirganmiz.