Bugun,

  • USD 11095.31
  • RUB 173.84
  • EUR 10772.44

Kiyevdan tayinlangan Donetsk viloyat hukumati hududning maqomini belgilash borasida referendum o‘tkazishga rozi, ammo buning uchun viloyat ma’muriyati binosini bo‘shatish va muzokaralar o‘tkazish lozim. Buni 10-aprel kuni brifingda “Donetsk xalq respublikasi” muvaqqat koalitsion hukumati raisi Denis Pushilin ma’lum qildi, deb yozadi “RIA Novosti”.

Foto: ria.ru

Foto: ria.ru

Uning so‘zlariga ko‘ra, Kiyevdan tayinlangan gubernator Sergey Taruta va Donetsk shahri hokimi Aleksandr Lukyanchenko jamoat tartibini saqlash uchun hamkorlikdagi militsiya patrullari va xalq ko‘ngillilari guruhlari tuzish, Donetsk viloyat kengashi hamda “Donetsk xalq respublikasi xalq kengashi” deputatlari ishtirokida qo‘shma sessiya o‘tkazish va viloyat hokimiyati binosini egallashda ishtirok etganlarning barchasiga to‘liq amnistiya e’lon qilish kabi takliflarni ham bildirganlar.

“Muvaqqat hukumat” va “xalq kengashi” rasmiy hukumatning takliflarini o‘z yig‘ilishlarida muhokama etib, viloyat ma’muriyati binosining ikki qavatini bo‘shatib berishga kelishdilar. Brifingdan keyin – 11-aprelga o‘tar tunda “muvaqqat hukumat” vakillari, jumladan, uning raisi Denis Pushilin va “xalq qo‘shini” qo‘mondoni Igor Xakimzyanov bu masalada muzokara olib borish uchun Kiyev tarafdorlari bilan uchrashdilar. Muzokaralar natijalari hozircha e’lon qilinmagan.

Ilgari Donetsk viloyat kengashi deputatlari Donetsk xalq respublikasining davlat mustaqilligini e’lon qilgan va hududning Rossiya tarkibiga qo‘shilishi masalasi bo‘yicha 2014-yil 11-maydan kechiktirmasdan referendum o‘tkazishga qaror qilgan edilar.

Izoh
Asosiy yangiliklar
Sport
Bundesliga. “Bavariya” safarda g‘alaba qozondi va Germaniya chempioniga aylandi, “Borussiya D” o‘z maydonida “Mayns”ni yenga olmadi 
Dunyo
Yuk mashinasidan chiqqan natsistlar bayrog‘i, Buddaning tug‘ilgan kuniga atalgan ajdaho, model bo‘lgan chixuaxua — hafta suratlari
Mahalliy
Qamchiq dovonida tormozi ishlamay qolgan yuk mashinasi YTH sodir qildi