Samsung kompaniyasi Galaxy S5 smartfoni haqida salbiy fikr bildirib maqola yozgani uchun Electronic Times gazetasiga jarima solishni talab qildi. Bu haqda TJournal xabar berdi.
Samsung’ning da’vosi Galaxy S5 kamerasidagi muammolar haqida yozilgan maqola bilan bog‘liq. Buning uchun gazetadan 300 million Janubiy Koreya voni (taxminan 284 ming dollar) to‘lashni talab qildi.
Samsung’ning ta’kidlashicha, gazeta “faktcheking” (ma’lumotning to‘g‘ri-noto‘g‘riligini tekshirish) qilmasdan turib, smartfon haqida noto‘g‘ri ma’lumot berib yuborgan. Uni dunyoning boshqa OAVlari ham “ilib” olib, natijada xabar tarqalib ketishi va Samsung’ning obro‘yiga putur yetib, Galaxy S5 smartfonlari savdosi tushib ketishi kompaniyani xavotirga solgan.Gazeta vakillari esa muxbirlarning ma’lumotni tekshirayotganini, biroq maqola “faktlarga asoslanib” yozilgani, “yolg‘on xabar emas”ligini ta’kidlamoqda.
Izoh (0)