Avval xabar berganimizdek, 5-aprel kuni O‘zbekiston birinchi marta break-dance bo‘yicha Red Bull BC One—2014 xalqaro chempionatida qatnashdi. Chempionatning saralash musobaqasi Toshkentdagi “Ilhom” teatrida o‘tkazildi. O‘zbekistonda 2014-yilning eng yaxshi bi-boyi nomi uchun 16 nafar yosh raqqos ishtirok etdi.
Musobaqa yakunlariga ko‘ra, Felix (Feliks Aliyev) eng yaxshi bi-boy deb topildi. U 17-may kuni Ostonada o‘tkaziladigan Red Bull BC One Central Asia Cypher Markaziy Osiyo saralash turida o‘z mahoratini namoyish qilish imkoniyatini qo‘lga kiritdi. Bu haqda “Anhor” nashri xabar berdi.
Breake-dance bo‘yicha Red Bull BC One jahon chempionati 2004-yildan boshlab o‘tkaziladi. Joriy yilda chempionatga 11 yil to‘ladi.
Izoh (0)