Birlashgan Arab Amirliklarining Dubay shahrida pauerlifting (Paralimpiya og‘ir atletikasi) bo‘yicha yoshlar va kattalar o‘rtasida o‘tkazilayotgan jahon chempionatida O‘zbekiston terma jamoasi a’zosi Iskandar Tursunboyev (-59 kg) uch urinishda 120 kilogramm toshni o‘ziga bo‘ysuntirib, kumush medal va Incheon shahrida (Xitoy) o‘tkaziladigan ParaOsiyo o‘yinlari yo‘llanmasiga ega bo‘ldi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Dunyoning 60 dan ziyod davlati vakillari ishtirokida o‘tayotgan mazkur jahon chempionatida bugun navbatdagi musobaqalar o‘tkaziladi. Bugun bo‘lib o‘tadigan musobaqalarda yana bir o‘zbekistonlik Farhod Umrzoqov (-65 kg) bahslarga kirishadi.
Shu tariqa, ParaOsiyo o‘yinlariga yo‘llanma olgan sportchilarimiz soni 8 nafarga yetdi. Bunga qadar 7 nafar yengil atletikachi ParaOsiyo o‘yinlari litsenziyalarini qo‘lga kiritgan edi.
Izoh (0)