Xitoyning Haixun 01 qidiruv kemasi tomonidan aniqlangan radiosignal Malayziyaning yo‘qolgan “Boing”iga tegishli emas, deya xabar bermoqda Xitoyning “Sinxua” davlat axborot agentligi.
Avvalroq, xitoylik qutqaruvchilar Hind okeanida impulsli signalni tutishgani, ushbu signal mart oyida yo‘qolgan Boeing 777-200 samolyotiga tegishli bo‘lishi ehtimoli mavjudligi haqida xabarlar tarqatilgan edi, deb yozadi “Kun” nashri.
Aniqlangan signalning chastotasi 37,5 kilogertsga teng bo‘lib, samolyotlarning qora qutilari aynan shu chastotada signal uzatadi. Haixun 01 mutaxassislari tomonidan aynan qanday qurilma topilganiga aniqlik kiritilmagan.
Eslatib o‘tamiz, Kuala-Lumpur–Pekin yo‘nalishi bo‘ylab MH370 reysini amalga oshirayotgan Malaysia Airlines aviakompaniyasining Boeing 777-200 samolyoti 8-martga o‘tar kechasi radarlardan yo‘qolgan edi. Samolyot bortida 239 kishi bo‘lgan.
Izoh (0)