Shuhrat Maqsudov boshchilik qilayotgan futbol bo‘yicha olimpiya terma jamoasi Toshkentda navbatdagi yig‘inini o‘tkazdi. Bu haqda “Paxtakor” futbol klubi sayti xabar berdi.
30-martdan 2-aprelgacha olimpiya terma jamoasiga nomzod futbolchilar yana bir tekshirib ko‘rildi. Unga Akmal Tursunboyev, Vladimir Kozak, Muhsin Ubaydullayev, Temur Hakimov, Jamshid Iskanderov, Abbos Maxsitaliyev, Jaloliddin Masharipov, Igor Sergeyev va Abdul Aziz Yusupov taklif etildi.
2-aprel kuni “Lokomotiv”ga qarshi bo‘lib o‘tgan nazorat bahsida Ubaydullayev, Hakimov, Maxsitaliyev, Masharipov va Yusupov maydonga tushib, Abdul Aziz raqib darvozasini ishg‘ol qildi.