“Тахтлар ўйини” ёки “Уэнздей”ни қаерда суратга олишганини ўз кўзи билан кўришни кўпчилик истайди, албатта. Бу жойлар нафақат ажойиб, балки экранда кўрсатилганидан юз баравар мафтункор эканини қуйидаги суратларда томоша қилинг.
Айт Бен Хадду, Марокаш — “Тахтлар ўйини”
Суратга олиш ишлари учун қалъа-шаҳар Марокаш хаёлий Юнкай шаҳрига айлантирилди. Аммо сериалда саҳронинг барча гўзалликлари кўрсатилмаган.
Кантакузино қалъаси, Бустени, Руминия — “Уэнздей”
Албатта, қоронғилик учун қалъа компьютер графикаси ёрдамида бир оз ўзгартирилди — ёш исёнчилар академияси ҳовлидаги эгилган дарахт каби готика атрибутларисиз бўлмасди. Аммо жонли Кантакузино қалъаси ҳам гўзалликда қолишмайди.
Кайрфилли қалъаси, Уэлс — “Доктор Ким”
Сериалнинг бир нечта эпизодлари қасрда суратга олинган, масалан, Венеция вампирлари, аммо барча гўзалликлар кадрга киритилмаган. Айтганча, қаср ҳам, унинг атрофидаги ҳудуд ҳам ҳайратланарли даражада гўзал.
Айт Бен Хадду, Марокаш — “Клон”
Ажойиб тош шаҳар Жадининг севги ҳикояси учун муносиб фон бўлади.
Эресунск кўприги, Дания ва Швеция чегараси — “Кўприк”
Сюжетга кўра, 2 полициячи тўғридан тўғри кўприкда содир бўлган жиноятни тергов қилади. Дания ёки Швецияга бориш учун доимий равишда уни кесиб ўтади.
Форт Макомб, Луизиана — “Ҳақиқий детектив”
1-фасл финалида Метю Макконаҳи жиноятчини қувиб ўтишга уриниб, катакомбалар бўйлаб кезиб юради. Эпизод тарихий жойда — 19-асрда қурилган қалъада суратга олинган. У ерда ҳақиқатан ҳам катакомбалар бор, лекин сериалдаги каби даҳшатли эмас.
Ангкор, Камбожа — “Лара Крофт: Муқаддима”
Жасур Ларанинг саргузаштлари Камбожадаги ибодатхона харобалари ҳудудида бўлиб ўтади. Фильм суратга олингандан сўнг бу ер кўплаб сайёҳларни ўзига жалб қилгани ажабланарли эмас.
Тунис — “Юлдузлар жанги”
Машҳур Татуин сайёраси нафақат Тунисда жойлашган, балки номини Туниснинг Татавин шаҳридан олган.
Доминика — “Кариб денгизи қароқчилари: мурдалар сандиғи”
Фильмдаги аксарият саҳналар гўзал Доминика оролида суратга олинган.
Инишмор ва Ахил ороллари, Ирландия — “Инишериннинг Баншилари”
Пейзажлар Колин Фаррелл иштирокидаги ушбу ғамгин фильмнинг энг яхши қисмларидан биридир. Ирландия оролларининг шиддатли иқлими, ҳатто экран орқали қарасангиз ҳам, ҳайратланарли. Инишерин — хаёлий жой, лекин фильм жуда реал жойда, 2 оролда — Инишмор ва Ахиллда суратга олинган.
