Буйрак тошлари — бу буйраклар ичида ҳосил бўладиган минерал ва тузларнинг қаттиқ массаси. Бу оғриқ келтириб чиқарадиган ҳолат бўлиб, агар даволанмаса, пешоб билан боғлиқ муаммолар буйракларнинг шикастланишига олиб келади. Нотўғри овқатланиш, кам суюқлик ичиш, ортиқча вазн, баъзи дори-дармон ва қўшимчалар каби турли омиллар туфайли юзага келадиган кенг тарқалган соғлиқ муаммосидир. Яхши томони шундаки, соғлом турмуш тарзини танлаш орқали буйраклардаги тош хавфининг олдини олиш ёки камайтириш мумкин. Бунга маълум маҳсулотларни истеъмол қилишни рад этиш ёки чеклаш киради. Агар сизда аввалдан буйракда тошлар бўлган бўлса, уларнинг турини билиб, рационни ўзгартириш муаммонинг олдини олишга самарали ёрдам беради.
Ҳайвон оқсили
Рационда ҳар куни етарли миқдорда оқсил бўлса ҳам, мол гўшти, товуқ, балиқ ва тухум каби ҳайвонларнинг оқсилларини истеъмол қилиш организм ишлаб чиқарадиган пешоб кислотаси миқдорини ошириши мумкин. Ҳайвонлар оқсилини ўсимлик оқсили билан алмаштириш тавсия этилади. Унинг манбаи дуккаклилар, соя маҳсулотлари ва ёнғоқлардир. Ушбу чора буйрак тошлари хавфини камайтиришга ёрдам беради.
Натрийга бой маҳсулотлар
Натрийга бой маҳсулотлар истеъмол қилиш пешобда кальций миқдорини кўпайтиради ва шу билан кальций оксалат тошлари, шунингдек, кальций фосфат тошлари хавфи ошади. Фастфуд, консерва, қайта ишланган гўшт истеъмолини камайтириш лозим. Бундан ташқари, юқори миқдорли натрийли зираворлардан воз кечиш ва иложи борича уларни кўкат ва бошқа зарарсиз зираворлар билан алмаштириш керак.
Шакар қўшимчаси
Шакар қўшимчаси ёки тозаланган шакар нафақат буйракларда тош пайдо бўлиш эҳтимолини, балки юрак хасталиги ва бошқа кўплаб жиддий касалликлар хавфини ҳам оширади. Шакарли ичимликлар пешобдаги кальций миқдорини ошириши ва унинг ҳажмини камайтириши мумкин. Шакар ва сироп қўшилган барча маҳсулотларни рациондан чиқариш тавсия этилади. Бу энг зарарли моддалардан биридир.
Оксалатларга бой маҳсулотлар
Юқори оксалатли маҳсулотларни истеъмол қилишни чеклаш орқали саломатликка ғамхўрлик қилиш мумкин. Булар орасида исмалоқ, лавлаги, ёнғоқлар, айниқса, бодом ва кешю, жумладан, ёрмалар, ҳолва, конфетлар ва бошқалар киради. Шуни ёдда тутингки, оксалатга бой озиқ-овқат маҳсулотларини кальций билан бирлаштириш организмга оксалат билан курашишда ёрдам беради ва буйракда тош пайдо бўлишининг олдини олади.
Спиртли ичимликлар
Спиртли ичимликлар диуретик бўлганлиги сабабли, у сувсизланишга олиб келиши мумкин ва шу билан бирга, буйракларда тошлар хавфини оширади. Спиртли ичимликлар пуринлар ишлаб чиқаришни оширади, бу қон ва пешобда кислота даражасининг ошишига олиб келади. Ортиқча пешоб кислотаси буйракларда тошларининг пайдо бўлишига сабаб бўлиши мумкин. Спиртли ичимликлар диуретик бўлишдан ташқари, организмни бўш калориялар билан ҳам таъминлайди ва килограмм ортишига ҳисса қўшади. Бунинг ўрнига, буйракларда тош пайдо бўлишининг олдини олиш, метаболизм ва умумий саломатликни яхшилаш учун етарли миқдорда сув ичиш тавсия этилади.
