“Ёшлик” спорт-соғломлаштириш мажмуаси стадионида Тошкент футболининг 100 йиллик юбилейи кенг нишонланди. Бу тадбир турли авлод спортчилари, футбол мухлислари ва пойтахт аҳолисини бирлаштирган ҳақиқий байрамга айланди. Тантана Ўзбекистон футбол ассоциацияси ва Тошкент шаҳар ҳокимлиги томонидан ташкиллаштирилди. Байрамнинг бош ҳомийси Ўзбекистонда спорт ва ижтимоий ташаббусларни анъанавий тарзда қўллаб-қувватлаб келаётган Kapitalbank бўлди.
Байрам авлодлар давомийлиги ва Тошкент аҳолисининг спортга бўлган муҳаббатини ифодаловчи учта йирик футбол тадбирини ўз ичига олди.
• Маҳалла жамоалари ўртасида Тошкент шаҳар ҳокими кубоги учун турнир бўлиб ўтди, унда 10 ёшдан 13 ёшгача бўлган ёш футболчилар ёрқин ўйин ва спорт руҳини намойиш этди.
• Тошкент, Фарғона водийси ва Бишкекдан келган 70+ фахрийлари иштирокидаги “Kapitalbank кубоги” халқаро турнири тадбирга халқлар дўстлиги муҳитини бағишлади.
• Тошкент терма жамоаси ҳамда ўзбек футболи юлдузлари жамоаси ўртасидаги “Юз йиллик” номини олган учрашув байрамнинг чиройли якуни бўлди.
“Kapitalbank кубоги” ғолибларини тақдирлаш маросими томошабинларнинг алоҳида эътиборини тортди. Uчинчи ўринни “Алгоритм” жамоаси, иккинчи ўринни “Жалолобод” (Қирғизистон) жамоаси, фахрий совринни эса Фарғона водийсининг “Чашмайи сафед” жамоаси қўлга киритди. Ўртача 72 ёшдаги ўйинчилар ажойиб жисмоний тайёргарлик ва футболга бўлган самимий муҳаббатни намойиш этди.
Тошкент футболи фахрийлар залидан ўрин олган йигирма нафар фахрийни тақдирлаш дастурнинг муҳим қисмига айланди. Бу афсонавий футболчиларнинг номлари Ўзбекистон футболи тарихига абадий муҳрланган.
“Бу тарихий воқеанинг бир қисми бўлиш биз учун катта шараф Тошкент футболи шунчаки спорт эмас, балки шаҳарнинг маданий ва ижтимоий меросининг ажралмас қисмидир. Бундай ижтимоий лойиҳаларни қўллаб-қувватлаш орқали биз ёшларни соғлом турмуш тарзига ундаш, авлодлар ўртасидаги алоқаларни мустаҳкамлаш ва анъаналарни асрашга интиламиз”, дейди “Kapitalbank” АТБ кузатув кенгаши раиси маслаҳатчиси Оксана Линдина.
Kapitalbank кўп йиллардан буён Ўзбекистонда футбол ва спортни ривожлантиришга доимий кўмак бериб келмоқда. Visa халқаро тўлов тизими билан биргаликда банк Ўзбекистон миллий терма жамоасининг 2026 йилда бўлиб ўтадиган футбол бўйича жаҳон чемпионатининг Бирлашган Араб Амирликларида ўтказилган саралаш ўйинига расмий ҳамкор бўлди. Мазкур учрашув чинакам тарихий воқеага айланди. БАА билан ўтган ўйин якунларига кўра, миллий терма жамоа тарихда илк бор жаҳон чемпионатида иштирок этиш ҳуқуқини қўлга киритди.
Шунингдек, Kapitalbank Uzbekistan – Land of Talents лойиҳасини қўллаб-қувватлади ҳамда Uzum экотизими билан ҳамкорликда саралаш босқичидаги якуний – Ўзбекистон-Қатар учрашувини Тошкент марказида катта экранда намойиш этишни ташкиллаштирди. Ушбу учрашув Ўзбекистон миллий терма жамоасининг 3:0 ҳисобидаги ишончли ғалабаси билан якунланди.
Ташқи ташаббуслардан ташқари банк корпоратив спортни ҳам фаол ривожлантирмоқда. Kapitalbank ўзининг футбол жамоаси эга бўлиб, унда республика бўйлаб барча филиаллардаги ходимлар ўртасида кенг кўламли турнирлар ўтказиш бўйича кўп йиллик анъана шаклланган. Бу эса соғлом турмуш тарзини ривожлантириш, фаоллик маданиятини ошириш ҳамда жамоавий руҳни шакллантиришга хизмат қилмоқда.
Реклама
