Яқинда бўлиб ўтган концертидан сўнг машҳур ўзбек хонандаси Лола кутилмаганда ўзининг Instagram саҳифасидаги барча расм ва видеоларни ўчириб ташлади. Аввалги постлар ўрнига у қисқа хабар ёзиб қолдирди:
“Биз яна қачондир учрашамизми йўқми, билмайман... Лекин сизларни ва бу кунларни эслаб юраман, юрагимда сақлайман”.
Хонанданинг бу ҳаракати мухлислар орасида катта муҳокамаларга сабаб бўлди. Кўпчилик Лоланинг ижодни тўхтатмоқчи эканини тахмин қилмоқда, бироқ хонанданинг ўзи бу ҳақда ҳали расмий баёнот бермади.
Баъзи мухлислар эса у шунчаки оғир гастрол сафаридан сўнг ижодий танаффус олишга қарор қилган бўлиши мумкин, деган фикрни билдирмоқда.
Хонанданинг Ижтимоий ҳимоя агентлигида иш бошлаши мумкинлиги ҳақида ҳам хабарлар мавжуд.
Маълумот учун, Лола 4 сентябрь куни 40 ёшни қаршилади.
У 1985-йилнинг 4 сентябрида Тошкент шаҳрида туғилган. Унинг отаси Равшанбек Йўлдошев узоқ йиллар мобайнида ички ишлар органларида терговчи сифатида фаолият юритган. Шу билан бирга, унинг санъатга қизиқиши баланд бўлган. Айнан шу қизиқиш ортидан Равшанбек Йўлдошев кейинчалик кўплаб юлдузларни кашф қилган “Тарона рекордс” продюсерлик компаниясига асос солган. Унинг ёрдамида “Сетора” гуруҳи, Шаҳзода, Шоҳруххон каби хонандаларнинг танилишига ҳисса қўшган.
Онаси Гулнора Йўлдошева эса дизайнерлик билан шуғулланган, у аввалига турмуш ўртоғини қўллаб-қувватлаш учун унинг продюсерлигида суратга олинган клипларда костюм устаси бўлиб ишлаган.
