Ушбу валюта курсининг йил бошидан буён энг паст қиймати 25 августда қайд этилиб, 12 305,80 сўмни ташкил этганди. Доллар курсининг пастлашига турки берувчи бир қанча омиллар мавжуд. Улардан бири — бу экспорт тушумларининг, хусусан, олтин сотувининг кескин ўсиши ҳисобланади.
Энергетика вазирлиги кеча Фарғона водийсида 5 сентябрь куни соат 12:00 дан 36 соат давомида Оҳангарон–Пунгон магистрал газ қувури орқали табиий газ узатиш вақтинча тўхтатилиши муносабати билан автомобилларга газ тўлдириш шохобчалари (AGTKSH) фаолиятига ҳам вақтинча чеклов ўрнатилиши ҳақида хабар берган эди.
Энергетика вазирлиги топшириғига кўра, «Ўзбекнефтгаз» AJ ҳудуд аҳолисининг автобензинга бўлган эҳтиёжини тўлиқ қондириш мақсадида биржа савдоларига Фарғона водийси учун 2000 тонна бензин қўйишини маълум қилди.
Бу кўрсаткич шу кунга қадар ўртача кунлик 250, 300 тоннани ташкил этарди. 2000 тонна одатий кунга нисбатан 7 карра кўп дегани.
Шунингдек, нефт базалар фаолияти 24 соатлик иш режимига ўтказилиб, автобензинни ҳудудий АЙҚШларга узлуксиз етказиб берилиши таъминланади.
Маълум қилинишича, бу йил битирувчилар давлат грантларини эгаллашда юқори натижа қайд этди: 619 нафар мактаб битирувчилари энг юқори 189 баллни қўлга киритди. Давлат гранти квотасининг 84,2 фоизини (29 881 нафар) жорий йил битирувчилари эгаллади. Бу кўрсаткич 7,2 фоизга ошди.
Бу йил мактабни 438 869 нафар ўқувчи тамомлаган бўлиб, улардан 75 фоизи ОТМларга кириш тест синовларида қатнашди. Хусусий ва хорижий олий таълим муассасаларига қабул жараёнлари эса ҳали ҳам давом этмоқда.
Фото: Мактабгача ва мактаб таълими вазирлиги
Давлат ОТМларига қабул қилинган битирувчилар сони охирги уч йилда 3,5 фоизга ошди. Бу йил мактаб битирувчиларининг 25,8 фоизи (113 176 нафари) олийгоҳларга қабул қилинди. ОТМга кириш бўйича энг юқори кўрсаткич Навоий (48,4 фоиз), Бухоро (38,2 фоиз), Жиззах (32,4 фоиз) вилоятларида қайд этилди.
Имтиҳонда олган ўртача балл кўрсаткичлари бўйича эса ҳудудлар кесимида Бухоро вилояти пешқадамлик қилди (96 балл).
Ўзбекистонда олийгоҳларга жорий йилги кириш имтиҳонларида жами 614 минг 768 нафар абитуриент қатнашган бўлиб, бу ўтган йилгига қараганда 122 мингга камдир. Тестга кирганларнинг 41,29 фоизи минимум ўтиш балли — 56,7 баллни тўплай олмаган.
3 сентябрь куни Тошкент вилояти Экология бошқармаси текшириш давомида жамиятдаги мавжуд чанг-газ тозалаш ускуналарини ишлаб чиқаришдан ҳосил бўлган ифлослантирувчи моддаларни тозалаш самарадорлиги етарлича бўлмагани сабабли компенсация ҳисоб-китоб қилиниб, камчиликларни бартараф этиш юзасидан кўрсатмалар берилганини эълон қилганди. Шунингдек, ишлаб чиқаришдан ҳосил бўлган ифлослантирувчи моддаларни атмосфера ҳавосига ташланишини олдини олиш ҳамда аҳоли турмушига салбий таъсирини камайтириш боъйича «йўл харитаси» ишлаб чиқилганини билдирганди.
Вазирлик ахборотига кўра, Экология, атроф муҳитни муҳофаза қилиш ва иқлим ўзгариши вазирлиги томонидан тасдиқланган атмосфера ҳавоси учун белгиланган, йўл қўйиладиган чекланган квотадан ошмайдиган атмосфера ҳавосига ташланадиган ифлослантирувчи моддалар ҳисоб-китоблари келтирилган бўлиб, амалда 2025 йилнинг 1-ярим йиллигида ташланадиган ифлослантирувчи моддалар белгиланган меъёрдан ошмаган бўлиб, ушбу кўрсатгичлар Тошкент вилояти Экология бошқармаси томонидан ҳам тасдиқланган.
«Айни пайтда Янги Ангрен ИЭСда ҳосил бўлган ифлослантирувчи моддаларни тозалаш самарадорлигини ошириш бўйича 2028 йилгача чора-тадбирлар режаси ишлаб чиқилган ва Вазирлар Маҳкамаси томонидан тасдиқланган. Янги Ангрен ИЭСда мавжуд электр филтрларининг мукаммал ва жорий таъмири амалга оширилди. Бу билан электр фильтрларнинг самарадорлигини 84 фоиздан 96 фоиз гача кўтаришга эришилди», дейилади хабарда.
Қайд этилишича, навбатдаги босқичда қозон-қурилмаларини таъмирлаш, уларга замонавий электр фильтрларини ўрнатиш воситасида ифлослантирувчи моддаларнинг атмосферага ташланишини сезиларли даражада камайтириш режалаштирилган.
