“Ал-Ҳилол” клуби бразилиялик ҳужумчи Неймар билан хайрлашганини эълон қилди. Томонлар ўзаро келишув асосида шартномани бекор қилишга қарор қилган.
Клуб ижтимоий тармоқдаги расмий саҳифасида бу ҳақда эълон қилди ва футболчига миннатдорлик билдирди.
“Раҳмат ва омад тилаймиз, Неймар”, дейилади матбуот хизмати хабарида.
Аввалроқ Неймар фаолиятини 2013 йилга қадар ўйнаган “Сантос” клубида давом эттириши мумкинлиги ҳақида хабарлар тарқалган эди. Таниқли инсайдер Романо ҳам ўзининг ижтимоий тармоқдаги саҳифасида бу ҳақда ёзди.
Жорий мавсумда Неймар “Ал-Ҳилол” сафида барча турнирлар доирасида атиги икки ўйинда майдонга тушган, бироқ бирорта самарали ҳаракатни амалга оширмаган.
