“Барселона” ёшлари билан ўртоқлик ўйини ўтказадиган Қирғизистон U-20 жамоаси қази билан меҳмон қилинди (видео)

Қирғизистон U-20 терма жамоаси бугун, 27 январь куни “Барселона” ёшлар таркибига қарши ўйнайди.

Қирғизистон футбол иттифоқи президенти Қамчибек Ташиев U-20 ёшлар терма жамоасини Осиё Кубогига тайёргарлик жараёнидаги муҳим ўйин олдидан шахсан қўллаб-қувватлаш учун Барселонага етиб борди.

Қамчибек Ташиев Қирғизистондан миллий таом – чучук (қази) олиб келди ва футболчиларни шу таом билан меҳмон қилди.

ҚФИ маълумотига кўра, “Барселона” ёшлар таркиби тарбияланувчиларига қарши бўладиган ўйин Қирғизистон ёшлар терма жамоаси ўйинчилари учун мусобақага тайёргарликда муҳим ҳисобланади.

U-20 терма жамоасининг хориждаги ўқув-машғулот йиғинларини бир ой давом этади.