“Интер Майами” ҳужумчиси Лионель Месси MLS’да ойнинг энг яхши футболчиси деб топилди. Бу ҳақда лига матбуот хизмати хабар берди.
Эслатиб ўтамиз, октябрь ойида 37 ёшли аргентиналик футболчи MLS’да учта ўйинда майдонга тушиб, бешта гол урди ва битта голли узатмани амалга оширди.
Лионель Месси лига тарихида захирадан майдонга тушиб учта гол урган ва битта голли узатмани амалга оширган биринчи футболчи бўлди ва MLS рекордини ўрнатди. Бундан ташқари, Месси “Интер Майами” тарихидаги энг яхши тўпурарга айланди. Аргентиналик футболчи клуб учун 33 та гол урди ва 32 та гол урган эквадорлик ҳужумчи Леонардо Кампанани ортда қолдирди.
Маълумот учун, “Интер Майами” 34 ўйинда 74 очко тўплади ва чемпионатда биринчи ўринни эгаллади.
