“Барселона” клуби академияси битирувчиси, испаниялик Ламин Ямал бутун фаолиятини Каталония клуби билан ўтказишни хоҳлашини айтди.
“Кимдир мен учун 120 миллионни тўлашини хоҳламайман. Умид қиламанки, “Барса”ни ҳеч қачон тарк этмайман, мен клубда афсонага айланишни хоҳлайман”, деди Ямал El Hormiguero телеканалида.
Transfermarkt футбол таҳлили портали “Барселона”нинг 17 ёшли ҳужумкор ярим ҳимоячиси Ламин Ямалнинг трансфер қийматини 120 миллион еврога баҳолади. Ушбу мавсумда футболчи клуб учун барча турнирларда тўртта ўйинда қатнашиб, битта гол ва тўртта голли узатмага муаллифлик қилган. Ямал ва “Барса” ўртасидаги амалдаги келишув 2026 йилнинг ёзига қадар амал қилади.
Ламин Ямал Испания терма жамоаси сафида 16 та ўйинда қатнашиб учта гол уришга муваффақ бўлди. 2024 йил бўлиб ўтган Европа Чемпионатида энг яхши ёш ўйинчи бўлган Ямал жамоаси билан бош совринни қўлга киритди.
