Америка Қўшма Штатларининг Лос-Анжелес шаҳрида 3 август куни профессионал бокс оқшоми бўлиб ўтади.
Мусобақанинг асосий жанги WBA йўналишида жаҳон чемпиони Исроил Мадримов ва мағлубиятсиз серия намойиш этаётган Теренс Кроуфорд ўртасида кечади.
Riyadh Season раҳбари Турки ал аш-Шейхнинг маълум қилишича, рэпер Эминем турнирнинг махсус меҳмони бўлади. Рэпер асосий жанг олдидан ўзининг бир неча қўшиқларини ижро этади.
Эминем Кроуфорднинг дўсти ҳисобланади. Теренс ўтган йили Эррол Спенсга қарши ўтказган чемпионлик жангида айнан Эминемнинг қўшиғи остида рингга чиққан эди.
