Ёз — саргузашт ва янги кашфиётлар мавсуми. Шунингдек, йилнинг энг жазирама уч ойида катта экранларга чиқадиган кинолойиҳалар даври ҳам.
“Меҳрибонлик турлари”
Премьера: 21 июнь
Инсон ҳаёти кутилмаган бурилишлар ва ҳар хил қийинчиликларга тўла. Буни мазкур драма қаҳрамонлари яхши билишади. Аммо уларда танлов борми? Тақдир улар учун нима тайёрлаган бўлса, ҳаммасига бардош бера оладими?
“Беверли Ҳиллс полицияси 4”
Премьера: 3 июль
Сўнгги фильм чиққанидан 40 йил ўтса-да, Беверли Хиллсда тинчлик ва осойишталик ҳукм сурмоқда. Аммо Эдди Mёрфи ёзда полициячи Аксел Фоули ролига қайтади. Қизининг собиқ йигити билан бирлашиб, уни янги таҳдиддан қутқаришга ҳаракат қилади.
“Дадажон”
Премьера: 28 июнь
Кўнглингдагини тушунадиган одам билан гаплашиш ёқимли, айниқса, у Шон Пенн ўйнаган такси ҳайдовчиси бўлса. Бироқ фақат танланганларгина бундай суҳбатдошга дуч келишади. Дакота Жонсон кечки пайт уйига хотиржам кетмоқчи эди, лекин у айнан шу таксичидан ҳаётидаги энг муҳим нарсаларни ўрганади.
“Ойга парвоз”
Премьера: 10 июль
Ойга қўниш осон иш эмас. Аммо ишончлилик НАСА учун муҳим. Астронавт Ченнинг Татум ва маркетинг бўйича мутахассис Скарлетт Йоханссон Ернинг сунъий йўлдошини биринчи бўлиб забт этиш учун ташкилот деворлари ичида танишишади.
“Айбсизлик презумпцияси”
Премьера: 12 июнь
Чикагода округ прокурори асосий гумондорга айлангани учун ҳамма ёқда шов-шув. Жейк Жилленҳол ижро этган образ Расти Савич ҳамкасби ва севгилисининг ўлими бўйича терговни ўз зиммасига олади. Бироқ тақдир унга янги муаммоларни келтириб чиқаради.
“Дедпул ва Росомаха”
Премьера: 24 июль
Ёзнинг энг узоқ кутилган ҳити. Фильм бош қаҳрамонлари — Райан Рейнольдс ва Ҳью Жекман.
“Аколит”
Премьера: 2 июнь
Янги сериал ижодкорлари биринчи марта “Юлдузлар жанги” оламидаги Республика юксалиши даврини кўрсатади. Ситҳлар ўша пайтда йўқ бўлиб кетиш арафасида эди ва Жедай ордени гуллаб-яшнаган галактикада тинчликни сақлаб қолади. Бу вақтда сирли қотиллар қўлларига қурол олади. Уларнинг мақсади нима? Тез орада билиб оламиз.
“Гарольд ва сеҳрли бўр”
Премьера: 1 август
Агар расмдаги қаҳрамонлар сиз билан тажриба ўтказишга қарор қилса, қандай йўл тутган бўлардингиз? Нима бўлишини 2D дунёда ўзини ортиқча ҳис қилган Гарольд айтиб беради. Сеҳрли бўр ёрдамида у эшик чизади, шундан сўнг у ҳар дақиқада янги нарсаларни ўрганади.
