Ўзбекистонлик боксчи Бектемир Мелиқўзиев 20 апрель куни франциялик Пьер Хубер Дибомбега қарши жанг қилади.
Бу ҳақда боксчи билан ҳамкорлик қиладиган Golden Boy промоутерлик компанияси расман эълон қилди.
Ушбу жанг Нью-Йорк шаҳрида ташкил этилади ва DAZN орқали трансляция қилинади. Унда Бектемир ўзига тегишли WBA Inter-Continental камарини ҳимоя қилади.
Маълумот учун, чарм қўлқоп устаси шу кунгача профессионал боксда 14 та жанг ўтказиб, уларнинг 13 тасида ғалаба қозонган. Бектемир Мелиқўзиев ҳисобида битта мағлубият бор. Унинг рақиби Хубер эса 23 та жанг ўтказиб, уларнинг 22 тасида ғалабага эришган. Хубе ҳам Бектемир Мелиқўзиев сингари бир маротаба мағлуб бўлган.
