Супер ярим ўрта вазн тоифасидаги ўзбекистонлик боксчи, ҳаваскор боксда жаҳон чемпионати совриндори, Осиё ўйинлари ғолиби Иқболжон Холдаровнинг навбатдаги жанги тафсилотлари маълум бўлди.
Иқболжон Холдаров 14 апрель куни Тошкентдаги “Ҳумо Арена” мажмуасида ўтказиладиган “IBA Чемпионлар оқшоми”да рингга чиқади. Ҳозирча Холдаровга бўлажак жангда ким рақиблик қилиши тасдиқланмаган.
Эслатиб ўтамиз, Иқболжон Холдаров (5-0-0) профессионал боксдаги сўнгги жангини 2023 йил апрель ойида мексикалик Элеазар Валенсуела Каррилёга қарши ўтказиб, муддатидан олдин зафар қучган эди.
Маълумот учун, турнирнинг марказий жанги Ҳасанбой Дўсматов ҳамда испаниялик Самуэл Кармона ўртасида ИБА чемпионлик камари учун кечади.
