Поп мусиқаси қироли Майкл Жексоннинг бундан 40 йил илгари кийган чарм курткаси Лондон шаҳрида ўтказилган кимошди савдосида 300 минг АҚШ долларига сотилди.
Жексон ушбу либосни кийган ҳолатда 1984 йилда, Triller альбомининг оламшумул муваффақиятидан кейин ичимлик рекламасида кўриниш берган. Реклама суратга олинаётган майдончада ёнғин келиб чиққан, оқибатда ижодкор жиддий куйиш тан жароҳатини олган, хонанданинг сочлари ҳам ёниб кетган.
Мутахассислар чарм куртканинг 200-400 минг фунт стерлингга сотилишини тахмин қилган эдилар. Кимошди савдоси Буюк Британиянинг Propstore Auction уйи томонидан ташкил этилган.
Бу турдаги аукционлар мухлислар ва коллекционерлар эътиборини ўзига жалб қилиши бежизга эмас. Айтишларича, ноёб лотлар сотиладиган аукционлар уларга мусиқа ва кинематография тарихига оид артефактларга янада яқинроқ бўлиш имкониятини тақдим этади.
