Анжелина Жоли ўзининг кенжа қизи, 15 ёшли Вивиен Жоли-Питтни Бродвейда бўлиб ўтадиган “Аутсайдерлар” фильмига ёрдамчи қилиб олди, деб ёзмоқда “Корреспондент.нет” нашри.
“Вивиен менга онамни эслатади, чунки у диққат марказида бўлишга интилмайди. У бошқа ижодкорларни қўллаб-қувватлайди. Вивиен театр ҳақида жуда кўп ўйлайди ва қандай ҳисса қўша олишини яхшироқ тушуниш учун бунга бор кучини сарфлайди”, — дейди Голливуд юлдузи.
Актрисага яқин манбанинг маълум қилишича, Вивиен шу йилнинг бошида Калифорниянинг Сан-Диего шаҳрида бўлиб ўтган жаҳон премьерасида онасига ҳамроҳлик қилган мусиқий спектаклни яхши кўриб қолган.
“Анжелина ва Вивиен Сюзан Гинтон билан учрашишди, у романни ёзганида актрисанинг қизи билан тенгдош эди”, — дейди инсайдер.
Бундан ташқари, манбада келтирилишича, Гинтон билан суҳбат Жолини Бродвейда намойиш этиладиган лойиҳанинг бош продюсери бўлиш масъулиятини ўз зиммасига олишга илҳомлантирган. 48 ёшли Жолига яқин бўлган яна бир манбанинг айтишича, у мусиқий фильм “ёшлар ўртасида муҳокама қилинишини” хоҳлайди.
“Жоли жамоа ҳар қадамда ёшларни тинглашига ва улар билан ишлашига, ёшларнинг овози ушбу лойиҳани Бродвейга олиб чиқишда етакчи рол ўйнашига ишонч ҳосил қилишни хоҳлайди”, — дейди улар.
Маълумот учун, 2019 йилда Анжелина Жоли ва Бред Питт расман ажрашган эди. Собиқ жуфтликнинг олти нафар фарзанди бор. Улар фарзандлари Маддокс, Пакс Тен ва Захарани асраб олган. Шайло, эгизаклар Нокс ва Вивиен эса жуфтликнинг ўз фарзанди ҳисобланади.
